Bienvenue sur Eguens Info Culturelles

Test

INAPAT salye memwa " Konpè Filo " ki travèse











Enstiti Nasyonal patrimwann ak touris ,yon òganizasyon ki travay nan pwomosyon sit touristik,  Patrimwann , ak touris salye memwa jounalis  anpil karyè ,Anthony  Pascal ki mouri vandredi  31 jiyè konsa ,nan  yon nòt piblik sou rezo sosyal  yo


" Vodou m ale
Vodou m ale ooo…

Nan jounen kite te vandredi 31 jiyè 2020 an gen yon Grandèt peyi a ki janbe. Nou tout konnen l sou non vanyan l "Konpè Filo" epi Anthony Pascal pou Legliz Katolik ak Achiv Nasyonal. Se yon potorik gason ki bay tout li menm nan batay pou lavi miyò anndan peyi Dayiti sou rejim boutdi Divalye a. Potanta atoufè machin represyon lepòk lan te menm rive bwote l al jete l nan kanpe lwen pou evite yo pase sou fyèl li. 

Konpè an, jan nou te renmen rele l, bay kokennchen bourad nan lit pou baboukèt la tonbe, pou Ayisyen gen lalwa dyòl li, pou l jete dlo pou Lèsen l vle, reve nan lang li vle. Se sak fè li pase prèske tout vi l nan sektè laprès. Pou peryòd 1980-2020, Konpè a pran plas  pami gwo enfliyansè lang kreyòl la. Sòti nan Radyo Ayiti Entè pou rive nan Radyo Tele Ginen, angajman li yo pote fwi. Sektè ledikasyon, kiltirèl ak laprès la gen mwens konplèks. Modèl ayisyen sa a, modèl jounalis sa a, se yon modèl moun ki te chwazi pa fè peyi a soufri pi plis. 

Konpè a te klè ak tèt li. Li te pratikan vodou vant deboutonnen, men li pat janm nan chire pit, chofe dife pou divize an myèt kominote vodou a. 

Enstiti Ayisyen | Patrimwàn ak Touris wete chapo l byen ba pou salye epi kenbe byen vivan memwa Grandèt sa a ki pran douvan.

Chwal la devan, nou dèyè
Ayibobo pou Konpè Filo!

Aucun commentaire:

Publier un commentaire